يا عمري ..أبطى الفرح والروح [ موجوعه ]
.......... والجرح مسموم يسري يـاكل احشائي!
لو صحت صيحة خفوقي غير مسموعه
.......... ولو بـ أسكت تموت فيني خيرة أشيائي!
ياطول ليلٍ كذب مـا تصدق شموعه
.......... وياخيبة اللي حلم في عمرعشوائي!
سكين غدر الحزن بالصدر مزروعه
......... وأحسها من وفاها..تشبه اعضائي!
حتى لو القلب هاض وسالت دموعه
........... تمسح له دموعه وتلعن لي أعدائي!!
كنت البياض بليالي عيد [مفجوعه ]
.......... من قبل لـ أكبر خذاني الموت تلقائي!
حرماني أكبر من احساسي ومن جوعه
.......... واكبر من أني بـأقول آلآمي [ ودائي! ]
مديت يدي لقلبك ..جات مقطوعه
......... واحترت من غيرها كيف أجمع أشلائي!
أنا أعظم من التعب وأكبر من جموعه
.......... وأتبع سرابي ولكن وين بيدائي!
تاهت بي دروب عمرٍ كفّر رجوعه
.......... ويخنقني الضيق لو وسعت بي أرجائي!